Brazilo
Brazilo estas plurlingva lando, en kiu nuntempe estas parolataj pli ol 300 lingvoj, kaj enmigrintaj kaj indiĝenaj. Pli ol 120 pliaj lingvoj malaperis en la lastaj jarcentoj. Tamen la oficiala kaj la plej parolata lingvo en Brazilo estas la portugala, kiu apartenas al la latinida grupo de la hindeŭropa lingvofamilio. La portugala lingvo estas skribita per signoj de la latina alfabeto. Ekzistas du variantoj de la portugala lingvo eŭropa portugala kaj brazila portugala, kies diferenco ŝuldiĝas ĉefe al fonetikaj kaj leksikaj trajtoj. La portugala lingvo montras la plej grandan similecon kun la hispana lingvo, precipe en leksiko. Sed, kompare kun la hispana, en la portugala lingvo la prononco de kelkaj sonoj proksimigas al la kataluna kaj la franca lingvoj. La ceteraj lingvoj estas parolataj de malpli ol du dekonoj de unu procento de la loĝantaro de Brazilo.
Rusio
En Rusio estas pluraj centoj da lingvoj. Ne ĉiuj ili estas sufiĉe disvastigitaj por esti ŝtataj, sed multaj povas pretendi almenaŭ pri regiona statuso. La ŝtata kaj plej disvastigita lingvo en Rusio estas la rusa, kiu apartenas al la slava grupo de la hindeŭropa lingvofamilio. La rusa estas unu el la ses oficialaj lingvoj de UN. Laŭ la Tutrusia Censo de 2020-2021, la popoloj de Rusio parolas en pli ol 372 malsamaj lingvoj kaj dialektoj, 133 el kiuj apartenas al la lingvoj de Rusio laŭ la klasifiko de la Rusia Akademio de Sciencoj. En avana pozicio estas la rusa lingvo : 99% de la loĝantaro, aŭ 134,3 milionoj da respondintoj, parolas ĝin. La plej grandaj lingvoj laŭ nombro da parolantoj post la rusa estas la tatara (3,3 milionoj da homoj parolas ĝin), la ĉeĉena (1,5 milionoj), la baŝkira (1,08 milionoj), la ĉuvaŝa (700 mil), la avara (654 mil). Ĉiuj ĉi tiuj lingvoj estas la oficialaj lingvoj de la respublikoj. Ĉi statuso signifas, ke ili estas uzataj en la agadoj de registaroj, leĝodonado, organoj de justico kaj edukado. Entute ekzistas pli ol 30 tiaj lingvoj (en iuj respublikoj ekzistas pli ol du oficialaj lingvoj, ekzemple en Dagestano kaj Ĉerkesio). El la fremdaj lingvoj en Rusio la plej populara estas la angla, same kiel la germana, la franca kaj la hispana. Ekde 2021 la populareco de ĉina kaj japana lingvoj pliiĝas.
Barato
La oficialaj lingvoj en Barato estas la hinda kaj la angla. La hinda, kiu estas la plej parolata lingvo en Barato, estas konsiderata la oficiala lingvo de la hinda registaro. La angla, vaste uzata en komerco kaj administrado, havas la statuson de ‘helpa oficiala lingvo’ kaj ankaŭ ludas grandan rolon en meznivela kaj supera edukado. La hinda estas la nomo de hind-arja lingvo, parto de la hindoeŭropa lingvofamilio, aŭ dialekta kontinuumo de lingvoj parolataj ĉefe en la nordaj kaj centraj regionoj de Hindio. La tradicia hinda-skribo estas la devanagaria silabara alfabeto. Laŭ la nombro de parolantoj, la hindia okupas unu el la unuaj lokoj en la mondo, estante sendube la dua nur post la ĉina laŭ la nombro de parolantoj.
Ĉinio
La oficiala lingvo en Ĉinio estas la ĉina (pli precize la nordĉina lingvo, la dialekto putunĥua), la nombro de parolantoj superas unu miliardon da homoj. La ĉina estas unu el la ses oficialaj lingvoj de UN. Tamen ekzistas almenaŭ 7 regionaj dialektoj de la ĉina lingvo, kiuj multe diferencas laŭ prononco, do parolante, loĝantoj de diversaj regionoj de Ĉinio ne komprenas unu la alian. Komuna al ĉiuj estas la hieroglifa skribsistemo. Ĉinaj signoj povas esti kunmetitaj de piktografaj, ideografaj kaj fonetikaj elementoj. Lastatempe la ĉinoj transiris al simpligita hieroglifaro, kio multe plifaciligis la lernadon de la ĉina. Por legi gazeton oni bezonas koni almenaŭ 3000 hieroglifojn, kaj klera homo konas pli ol 5000 hieroglifojn.
Sud-Afrika Respubliko
En la Sud-Afrika Respubliko ekzistas dek unu oficialaj lingvoj. Antaŭe, nur la angla kaj la afrikansa, lingvoj de la ĝermana grupo de la hindeŭropa lingvofamilio, estis la oficialaj. Tamen, post la falo de rasapartismo, la lingvoj de la loka loĝantaro, ĉefe apartenantaj al la bantua lingva familio (venda, zulua, kosa, suda ndebele, svatia, sesoto, norda soto, tswana, tsonga), komencis esti subtenataj je la ŝtata nivelo. La plej disvastigita gepatra lingvo en Sudafriko estas la zulua (24% de la logantaro), sekvata de la kosa en dua loko kaj la afrikansa en la tria loko. La angla estas nur la kvina, sed ĝi ludas gravan rolon kiel lingvo de intergena komunikado, precipe en urboj. La angla estas plej ofte uzata en amaskomunikiloj kaj en administrado.
Egiptio
La sola oficiala lingvo en Egiptujo estas literatura araba lingvo. La egipta dialekto de la araba, parolata de la plej granda parto de la loĝantaro, estas ĉie uzata en la ĉiutaga vivo kaj plej ofte estas skribita en araba tiparo, foje en la latina (ekzemple, en babilejoj). La araba estas unu el la 6 oficialaj lingvoj de UN. La moderna araba literatura lingvo estas uzata en ĉiuj arabaj landoj. Malgraŭ sia universaleco, sub la influo de lokaj dialektoj, la literatura araba lingvo ofte akiras kelkajn regionajn fonetikajn kaj gramatikajn trajtojn, kiuj manifestiĝas ne nur en parolado, sed ankaŭ skribe. La angla, la franca kaj la germana lingvoj ankaŭ estas sufiĉe vaste parolataj en Egiptujo kaj estas uzataj en komercaj kaj kleraj rondoj.
Etiopio
La oficiala lingvo de Etiopio estas la amhara, kiu apartenas al la semida lingvofamilio kaj tiel afinas al la araba kaj la hebrea. Ĝi estas skribita per la etiopa tiparo. Krom tio, la loĝantaro de Etiopio ankaŭ uzas aliajn lingvojn (estas ĉirkaŭ cent lingvoj en la lando), la plej oftaj el kiuj estas la somala kaj la tigrinja lingvoj. La angla estas la plej vaste parolata fremda lingvo kaj estas la instruilo en mezlernejoj kaj universitatoj.
Irano
La oficiala lingvo de Irano estas la persa lingvo (novpersa lingvo, farsi), kiu apartenas al la irana grupo de la hindeŭropa familio de lingvoj kaj havas jarcentan literaturan tradicion. Ĝia evoluo estis forte influita de la araba lingvo (precipe, ĝis 60 % de arabismoj troviĝas en ĝia nuna vortfarada komponado). La persa lingvo estas disvastigita en Irano kiel la gepatra lingvo de irananoj, kiuj konsistigas ĉirkaŭ 58% de la loĝantaro de la lando (pli ol 40 milionoj da homoj), same kiel lingvo de interetna komunikado, la lingvo de literaturo, amaskomunikiloj kaj aliaj sferoj de vivo por reprezentantoj de aliaj popoloj de la lando. La skribo de la persa lingvo estas la persa alfabeto, kreita surbaze de la araba skribo, kompletigita per pluraj signoj por sonoj, kiuj mankas en la araba lingvo.
Unuiĝintaj Arabaj Emirlandoj
La oficiala lingvo de la Unuiĝintaj Arabaj Emirlandoj estas la araba. La angla estas vaste uzata en negoco, komerca korespondado kaj kiel rimedo de internacia komunikado. Krome, la plej multaj el la ŝildoj kaj paneloj, informmaterialoj kaj vojsignoj estas dublitaj en ĝi. La hinda, la urdua kaj la farsi-lingvo ankaŭ estas uzataj lingvoj en la lando pro la konstanta fluo de enmigrantoj el suda kaj sudorienta Azio. Turismo estas vaste evoluinta en la lando, do la plej multaj oficistoj en la komerco, diversaj servoj, turismo kaj hoteloj parolas plurajn fremdajn lingvojn. En edukaj institucioj la ĉefa akcento estas sur la studo de la araba kaj la angla lingvoj. Lastatempe konstante pliiĝas la nombro de personoj studantaj aziajn lingvojn.
